Dövlət Miqrasiya Xidməti (DMX) ilə Məlumat Hesablama Mərkəzi tərəfindən aparılan birgə işlər sayəsində DMX-nin aşağıdakı 9 elektron xidməti "Elektron hökumət” portalına inteqrasiya olundu və portal üzərindən DMX-nin göstərdiyi elektron xidmətlərin sayı 10-a çatdı:

- Azərbaycan Respublikası vətəndaşlığının əldə edilməsi

- Azərbaycan Respublikasında vətəndaşlığına bərpa edilməsi

- Azərbaycan Respublikasında müvəqqəti olma müddətinin uzadılması

- Daimi yaşamaq üçün icazə

- Əmək fəaliyyəti müddətinin uzadılması

- Əmək fəaliyyəti üçün icazə

- Miqrasiya orqanlarına qulluğa qəbul

- Müvəqqəti yaşamaq üçün icazə

- Onlayn ödəmə

Beləliklə, Azərbaycan Respublikası Nazırlər Kabinetinin müvafiq qərarı ilə DMX üzrə təsdiq ediıən 11 e-xidmətin 10-u portala inteqrasiya edildi.

İstifadəçilər müraciətlərinin məzmununa uyğun olaraq seçim etməklə bu xidmətlərdən asanlıqla yararlana bilərlər. Bunun üçün portalda autentifikasiyadan keçərək, "Elektron Xidmətlər" bölməsini qeyd edib, DMX-nin müvafiq xidmətini seçmək lazımdır. Açılan səhifədə bu xidmətlər üzrə tələb olunan sənədlərin siyahısı, həmçinin PDF formatında müraciət formaları yerləşdirimişdir.